ඉන්දුනීසියානු කිතුනුවන්ට එරෙහිව ඉස්ලාම් අන්තවාදීන්ගෙන් එල්ල වන මාරාන්තික ප්‍රහාරයන්ට සම්බන්ධ ත්‍රස්තවාදීන් මර්දනය කිරීම සඳහා එරට හමුදාව විශේෂ බලකායක් යොදවා තිබේ.
පසුගිය සිකුරාදා ගැලවීමේ හමුදා සාමාජිකයින් සිව්දෙනෙකු සුලවේසි දූපතේදී ඝාතනය කර ඇත.
මුස්ලිම් බහුතර රටක් ලෙස ඉන්දුනීසියාව ඉස්ලාමීය අන්තවාදීන්ට එරෙහිව මෙහෙයුම් සිදුකරන විට එරට ක්‍රිස්තියානි සුළුතරයට එරෙහි ප්‍රහාර ඉහළ යමින් තිබේ.
සිකුරාදා උදෑසන මධ්‍යම සුලවේසි පළාතේ දුර බැහැර ලෙම්බන් ටොංගෝවා ගම්මානයේ “ගැලවීමේ හමුදාව” සිටි ස්ථානයකට කඩු හා තුවක්කු අතැති මුස්ලිම් ජාතිකයන් පිරිසක් පහර දුන්හ.
ඔවුන් එහි සිටි ක්‍රිස්තියානි සාමාජිකයන් සිව් දෙනෙකු ඝාතනය කර එක් අයෙකුගේ හිස ගසා දමා, ගොඩනැගිල්ල ගිනිබත් කර ඇත.
මුස්ලිම් බහුතර ජාතිය වන ඉන්දුනීසියාව දිගු කලක් ත්‍රස්ත ප්‍රහාර හේතුවෙන් පිඩා විඳිමින් සිටින අතර මධ්‍යම සුලවේසිහි ප්‍රදේශයේ වෙසෙන කිතුනුවන් ඉලක්ක කර මුස්ලිම්වරු වරින් වර ප්‍රහාර එල්ල කරනු ලබයි.
පසුගිය සතියේ ප්‍රහාරය එල්ල කල ප්‍රහාරකයින් නැගෙනහිර ඉන්දුනීසියානු මුජාහිදීන් (එම්අයිටී) වෙතින් පැමිණි බවට සැක කරන අතර ඔවුන්ව මර්ධනය කිරීම සඳහා ඉන්දුනීසියානු හමුදා විශේෂ බලකායක් පොලිසියට එක් කිරීමට බලධාරීන් ක්‍රියා කළේය.
ඉස්ලාමීය රාජ්‍යය (අයිඑස්) ත්‍රස්තවාදීන්ට පක්ෂපාතී වන බවට ප්‍රතිඥා දී ඇති කණ්ඩායම් දුසිම් ගණනක් ඉන්දුනීසියාව පුරා සිටිති.
ගැලවීමේ හමුදාව පසුගිය සතියේ නිවේදනයක් නිකුත් කරමින් ඔවුන්ගේ සාමාජිකයින් “ම්ලේච්ඡ ප්‍රහාරයකින්” ඝාතනය කල බව තහවුරු කළේය.
“නපුරට ගොදුරු වූ අපගේ ජනතාවට සහ ඇදහිල්ල එවැනි හානියක් කළ අයගේ පවුල් වෙත අපගේ හදවත් පිටවෙයි” යනුවෙන් එය පවසයි.