මහ මැතිවරණය ජයග්‍රහණය කිරිමෙන් පසු තම රජය යටතේ සෑම පවුලකටම රුපියල් 20,000ක දිමනාවක් ලබා දෙන බව සමගි ජන බලවේගය පක්ෂයේ නායක සජිත් ප්‍රේමදාස මහතා පවසයි.
ඔහු පවසන්නේ බිඳවැටී ඇති ආර්ථිකය යළි නඟාසිටුවන තෙක් අදාළ දිමනාව ලබාදීමට කටයුතු කරන බවය.
ගම්පහ ප්‍රදේශයේ පැවැති සමගි ජන බලවේගය ජන හමුවකට එක්වෙමින් සජිත් ප්‍රේමදාස මහතා මේ බව පැවසීය.
එමෙන්ම පසුගිය ජනාධිපතිවරණයෙදී තමන්ට රැස්වීම් 154ක් පැවැත්වීමට හැකි වු බවත් මෙවර මහ මැතිවරණයෙ දී තමන් රැස්වීම් 1000ක් පවත්වන බවත් සජිත් ප්‍රේමදාස මහතා පවසයි.
තමන් සමග රැස්වීම් තරඟයක් පැවැත්වීමට අනෙක් නායකයන්ට අභියෝගය කරන බවද ඒ මහතා ප්‍රකාශ කළේය.
තම පක්ෂය මැතිවරණයෙන් ජය ගන්නා අතර ඉන් පසු නව රජයක් පිහිටුවා ජනතාවගේ වගකීම් තමන් බාර ගනිමින් සිරිකොත වගකීමක් තමන් සතු කර ගන්නා බව ඔහු වැඩිදුරත් පැවසීය.