දිවයිනේ සියලු මුස්ලිම් දේවස්ථානවල සිකුරාදා ජුම්මා යාඥාව අද දිනයේ සිට නැවත දැනුම් දෙන තුරු නොපැවැත්වෙන බව සමස්ත ලංකා මුස්ලිම් වියතුන්ගේ සංගමය ( ජමියතුල් උලමා සංගමය) ප්‍රකාශ කරයි.
සාමාන්‍යයෙන් සෑම සිකුරාදාවකම විශාල පිරිසකගේ සහභාගීත්වයෙන් මුස්ලිම් දේවස්ථානවල සිකුරාදා ජුම්මා යාඥාව පැවැත් වුවද කෝවිඩ් 19 හෙවත් කොරෝනා වයිරසයේ බලපෑම හේතුවෙන් මෙම පියවර ගෙන ඇති බවත් සම සංගමය පවසයි.
ඒ අනුව නැවත දැනුම් දෙන තුරු පස්වේල් සලාතය ඇතුළු සියලු යාඥාවන් තම තමන්ගේ නිවෙස්වලදීම සිදු කර ගන්නා ලෙසත් එම සංගමය මුස්ලිම් ජනතාව වෙත උපදෙස් ලබා දී තිබේ.