කොළඹ කොටුව ප්‍රධාන මහේස්ත්‍රාත් රංග දිසානායක මහතා අද උදෑසන කොළඹ රාජකීය විද්‍යාලය ඉදිරිපිටදී එම විද්‍යාලයේ සිසුන්ගේ ආරක්ෂාව වෙනුවෙන් යොදවා සිටි දෙමාපියන්ට බැණවැදී තර්ජණය කර ඇති බවට වාර්තා වනවා.
මහේස්ත්‍රාත්වරයා අද උදෑසන සිය දරුවා විද්‍යාලයට ඇතුළත් කිරීමට පැමිණි අවස්ථාවේදී ආරක්ෂාවට සිටි දෙමාපියන් එම රථය පරීක්ෂා කිරීමට සූදානම් වූ අවස්ථාවේදී මෙම සිදුවීම ඇතිවී තිබේ.
අධ්‍යාපන අමාත්‍යවරයා විසින් නිකුත් කර ඇති චක්‍රලේඛයට අනුව විදුහල්වල ආරක්ෂාව තහවුරු කිරීම සදහා කෝටා ක්‍රමයට දෙමාපියන් යෙදවීමට උපදෙස් ලැබී ඇති අතර, ඒ අනුව ආරක්ෂක කටයුතුවල යෙදී සිටි දෙමාපියන්ට මෙලෙස රංග දිසානායක මහතාගෙන් බාධා එල්ලවී තිබෙනවා.
මීට එරෙහිව එම දෙමාපියන් විසින් කුරුදුවත්ත පොලිසියට පැමිණිලි කිරීමටද කටයුතු කර තිබෙන බවට වාර්තා වනවා.
ජාතික ආරක්ෂාව අර්බුධයකට ලක්ව තිබෙන මෙවන් මොහොතකදී, නීතිය පසිදලීමට සිටින පුද්ගලයින්ගේ හැසිරීම මෙසේනම්, රටේ ආරක්ෂාව කෙලෙස නම් තහවුරු කරන්නට හැකිවේද ?