අග්රාමාත්ය රනිල් වික්රමසිංහ මහතාට එරෙහිව විශ්වාසභංග ඡන්ද විමසීම පැවැත්වෙන ලබන 4 වැනිදා පාර්ලිමේන්තු සංකීර්ණය හා ඒ අවට ප්රදේශවල දැඩි ආරක්ෂක වැඩපිළිවෙලක් ක්රියාත්මක කිරීමට ආරක්ෂක අංශ කටයුතු කර තිබේ.
ඒ අනුව පාර්ලිමේන්තු ආරක්ෂක කොට්ඨාසයේ නිලධාරීන්ට අමතරව වෙනත් පොලිස් ස්ථානවලින්ද නිළධාරීන් කැදවීමටත්, පොලිස් විශේෂ කාර්ය බළකායේ බළඇණිද ස්ථානගත කිරීමටත් පියවර ගෙන ඇත.
පාර්ලිමේන්තුව අවට විරෝධතාවක් සිදු වුවහොත් එම විරෝධතා පාලනය කිරීම සඳහා කැරැලි මර්දන කණ්ඩායම්ද සීරුවෙන් තැබීමට ආරක්ෂක අංශ පියවර ගෙන තිබේ.
පාර්ලිමේන්තුවට පිවිසෙන මැති ඇමැතිවරු දැඩි සෝදිසියකට ලක් කිරීමට ආරක්ෂක අංශ පියවර ගෙන ඇත.