බලපිටිය රේවත පාරේ නිවසක සැක සහිත ලෙස ගබඩා කර තිබූ සිවුරු සහ පාත‍්‍ර තොගයක් ඊයේ රාති‍්‍ර කළ සෝදිසියකදී සොයා ගැණුනා. යුද හමුදාව, නාවික හමුදාව, පොලීසිය සහ පොලිස් විශේෂ කාර්ය බලකාය එක්වයි මෙම සෝදිසිය සිදු කෙරුණේ. සිවුරු පොහොර උර 5 ක සගවා තබා තිබුණා.
පාත‍්‍ර 105ක් ද එහි තිබී සොයා ගැණුනු බවයි නෙත් නිවුස් වාර්තාකරු පවසන්නේ. මෙම නිවසේ සිටි පුද්ගලයින් දෙදෙනෙකුද සැකපිට අත්අඩංගුවට ගැණුනා. ඔවුන්ගෙන් එක් අයෙකු මොහොමඞ් නිලාම් මොහොමඞ් රියාස් නමැත්තෙක්. අනෙක් පුද්ගලයා මොහොමඞ් මන්සූර් මොහොමඞ් රිස්ලාන් නමැත්තෙකු ලෙස හදුනාගෙන තිබෙනවා.
මෙම සෝදිසියේදී තවත් පුද්ගලයෙකු මන්නයක් සමග අත්අඩංගුවට ගැණුනු බවයි නෙත් නිවුස් වාර්තාකරු වැඩිදුරටත් පැවසුවේ. ඔහු සමිත් ඞීන් හෙවත් ‘‘බබා’’ නමැත්තෙකු ලෙස හදුනාගෙන තිබෙනවා.