අද (03) ඌව පළාතේ රජයේ සියලු වෛද්‍යවරු වැඩ වර්ජනයක නිරත වෙනවා.
ඒ අනූව දෙමෝදර දිසා රෝහල මැදින් මාර්ගයක් ඉදිකිරීම හා ඒ පිළිබඳ ගැටලුවේදී ඌව පළාත් ප්‍රධාන අමාත්‍ය චාමර සම්පත් දසනායක මහතා ක්‍රියා කළ ආකාරයට විරෝධය පළ කරමින් මෙලෙස විරෝධතාවේ නිරත වන බව වෛද්‍යවරුන් පවසයි.
ගැටලුව පිළිබඳව පළාත් ආණ්ඩුකාරවරයා සමග සාකච්ඡා කළ ද විසඳුමක් නොලැබුණු බවත්, වෛද්‍ය නිලධාරීන්ගේ සංගමයේ ඌව පළාත් සම්බන්ධීකාරක වෛද්‍ය පාලිත රාජපක්ෂ මහතා සඳහන් කරයි.
මේ අතර දෙමෝදර ප්‍රාදේශීය රොහල වසා දමා එහි කාර්ය මණ්ඩලය බදුල්ල දිස්ත්‍රික් සෞඛ්‍ය සේවා අධ්‍යක්ෂ කාර්යාලයට වාර්තා කර ඇත.
රෝහලේ නිළ නිවාසයකට පහරදීමේ සිද්ධියක් ද මේ වනවිට වාර්ත වී තිබේ.