ශ්රී ලංකා රාමඤ්ඤ මහා නිකායේ අනුනායක අනුරාධපුර සාරානන්ද පිරිවෙනේ විහාරාධිපති අති පුජ්‍ය ගිරාඹේ ආනන්ද නාහිමියන් අද (20) උදෑසන අපවත් වී තිබේ.
රෝගී තත්ත්වයෙන් පසු වූ උන්වහන්සේ ශ්රී ජයවර්ධනපුර රෝහලේ ප්රතිකාර ලබමින් සිටියදී අද අලුයම අපවත් වූ බව රාමඤ්ඤ මහා නිකායේ මහලේඛකාධිකාරී පූජ්‍ය අස්සංගනේ ශාසනරතන හිමි සඳහන් කළේය.
ශ්රී ජයවර්ධනපුර රෝහලේ රෝහල් අධ්‍යක්ෂ වෛද්‍ය සුසිත සේනාරත්න සඳහන් කළේ රෝගී තත්ත්වයක් හේතුවෙන් දින 09ක පමණ කාලයක සිට උන්වහන්සේ ශ්රී ජයවර්ධනපුර රෝහලේ ප්රතිකාර ලැබූ බවයි.
අපවත් වන විට උන්වහන්සේ 76 වන වියේ පසුවිය.
අපවත් වී වදාළ ගිරාඹේ ආනන්ද නාහිමියන්ගේ ආදාහන පුජෝත්සවය සම්බන්ධයෙන් අද දිනය තුළ තීරණය කරන බව පුජ්‍ය අස්සංගනේ ශාසනරතන හිමි සඳහන් කළේය.