තාක්‌ෂණික ඇගයීම් කමිටුවේ නිර්දේශ ප්‍රතික්‍ෂේප කර ලංකා විදුලිබල මණ්‌ඩලය සඳහා රුපියල් බිලියන 03 ක් වැනි අති විශාල මුදලකට ඩීසල් විදුලි ජනන යන්ත්‍ර 50 ක් ඉන්දීය සමාගමකින් මිලයට ගැනීමට විදුලිබල අමාත්‍යාංශ බලධාරීන් තීරණය කර ඇත.
විදුලිබල මණ්‌ඩලයේ ආරංචි මාර්ග දක්‌වන්නේ තාක්‌ෂණ කමිටුව එම ඉන්දීය සමාගම නිර්දේශ කර නැති බවයි.
විදුලිබල අමාත්‍යාංශ බාලධාරීන්ගේ මේ තීරණය ගැන දේශීය සමාගමක්‌ ඉදිරිපත් කළ අභියාචනයද අමාත්‍යාංශය මඟින් ප්‍රතික්‍ෂේප වී ඇත.
විදුලිබල මණ්‌ඩලයේ සේවක ආරංචි මාර්ග දක්‌වන්නේ මෙම සිද්ධිය ජනාධිපති මෛත්‍රිපාල සිරිසේන මහතාගේ දැඩි අවධානයට යොමුවිය යුතු බවය.
මෙම ඉන්දීය සමාගම නිසි ටෙන්ඩර් අවශ්‍යතා සම්පූර්ණ කර නැහැ. මේ නිසා තාක්‌ෂණික ඇගයිම් කමිටුව එම සමාගම ප්‍රතික්‍ෂේප කර තිබුණා යෑයි එම ආරංචි මාර්ග හෙළි කළේය.
මේ නිසා රුපියල් බිලියන 03 ක ඩීසල් ටෙන්ඩරය ගැන පූර්ණ පරීක්ෂණයක් කරන්නැයි සේවක අංශ ජනාධිපතිවරයාගෙන් ඉල්ලා ඇත.