සමාජ සවි බල ගැන්වීම් හා සමාජ සුභ සාධන අමාත්‍ය එස් බී දිසානායක මහතා අස්ගිරි මහ නාහිමියන් ඇතුළු මහා සංඝ රත්නයෙන් අද (21) පෙරවරුවේ සමාව ඉල්ලා සිටියේය.
තමන් ගැන උන් වහන්සේලාගේ කළකිරීමක් ඇත්නම් ඒ ගැන කනගාටුව පළකරමින්ම සමාව ඉල්ලා සිටින බව අමාත්‍යවරයා කීවේය.
අස්ගිරි මහ නාහිමියන් ප‍්‍රමුඛ සංඝ සභාව රැස්වී ඊයේ (21) කර ඇති විශේෂ ප‍්‍රකාශයේ ඇතැම් කරුණු තමන්ට එල්ල කර ඇති බවක් පෙනී යන බැවින් මෙසේ සමාව ඉල්ලා සිටින බව ද හෙතෙම කියා සිටියේය.
ඥානසාර හිමියන්ගේ මතවාදවලට තමා එකග වන බවත් එය ප්‍රකාශ කරන ආකාරය සම්බන්ධයෙන් ගැටළුකාරී තත්ත්වයක් පවතින බවත් රට තුළ ඇති වු බොහෝ ගැටුම්කාරී අවස්ථාවන්හීදි උන්වහන්සේ හැසිරීම දැඩි බලපෑමක් එල්ල කළ බවත් දිසානායක මහතා වැඩිදුරටත් කියා සිටියේය.
අමාත්‍යවරයා මේ අදහස් පළ කළේ සමාජ සවිබල තැන්වීම් හා සමාජ සුභසාධන අමාත්‍යංශයේ අද(21) පැවැති මාධ්‍ය හමුවක දීය.