වර්තමාන රජය දිගින් දිගටම පරිභෝගිකයාව අසරණ කරමින් විවිධ අංශ වෙත බදු පනවමින් සිටින බව පාරිභෝගිකයන් සුරැකීමේ සංවිධානයේ සභාපති රන්ජිත් විතානගේ මහතා සදහන් කර සිටියා.
මෙහි ආසන්නතම තත්වය වශයෙන් වාහන මත අයකර ඇති බද්ද හේතුවෙන් වාහන මිල සීග්‍රයෙන් ඉහල ගොස් තිබෙනවා. දුප්පත් ජනතාව වැස්සෙන් නොතෙමි යාමට බාවිතා කල ත්‍රිරෝද රථයෙන් පවා ලක්ෂ 4ක බද්දක් ලබාගැනීමට කටයුතු කිරීම තුලින් ජනතාව වැස්සකට නොතමි ආරක්ෂිතව ගමනක් බිමනක් යෑමේ අවස්ථාව මේ ආණ්ඩුව අහිමිකර තිබෙනවා.
ආණ්ඩුව ලබාගැනීමට පෙර ලබාදුන් පොරොන්දු සිහින බවට පත්කරමින් ජනතාව සිහින අතර අතරමං කිරීමට රනිල් වික්‍රමසිංහ ආණ්ඩුව කටයුතු කර තිබෙනවා. මේ රටේ පාර්ලිමේන්තු මන්ත්‍රීවරු ජනතාවගේ වාහන සිහින බොද කරමින් ඔවුන් ලක්ෂ 400,500,600 වියදම් කරමින් වාහන ලබා ගන්නා බවයි ඒ මහතා වැඩි දුරටත් සදහන් කලේ.
අසාධාරණ ලෙස පාරිභෝගිකයාගෙන් අයකරන ඒකක බද්ද, දුරකථන ඇමතුම් බද්ද, සෞඛ්‍ය බද්ද වහා හකුලා ගන්නා ලෙස ඉල්ලා සිටින රන්ජිත් විතානගේ මහතා ආණ්ඩුවට විරුද්ධව පුළුල් බලවේගයක් ඉදිරියේදී ගොඩනගන බව අවධාරණය කර සිටියා.
[mom_video type=”youtube” id=”hg4nzloYwV0″]