හිටපු රාජ්‍ය අමාත්‍යවරයෙක් වන නීතීඥ සුජීව සේනසිංහ මහතාට අයත් මහනුවර හන්තාන නිවාස යෝජනා ක්‍රමයේ ඇති නිවසක් හොරු බිඳ රුපියල් ලක්ෂ 5 ට ආසන්න මුදල් හා භාණ්ඩ සොරාගෙන ගොස් ඇති බව මහනුවර පොලීසිය පවසයි.
සොරාගත් භාණ්ඩ අතර රන් බඩු, මුදල් සහ මොටර් රථ බැටරියක් වන බව ඒ මහතා පොලිසියට කළ පැමිණිල්ලක සඳහන් වෙයි.
නිවසේ සේවකයන් වශයෙන් සිටි දෙදෙනකු විසින් මෙම භාණ්ඩ සොරාගෙන ගොස් ඇති බවට සැකකරන බවට ඒ මහතා ඊයේ (11)දින පොලිසියට මෙම පැමිණිල්ල ඉදිරිපත් කර ඇත.
සිද්ධියේ සැකකරුවන් මෙතක් හදුනාගෙන නොමැති අතර මහනුවර පොලිසිය සිද්ධිය සම්බන්ධයෙන් පරීක්ෂණ පවත්වනු ලබයි.