Colombo Today Local Newsfeatured

ශ්‍රී ලංකා යුද හමුදා වෛද්‍යවරු ගිනස් පොතට l ලොව විශාලතම වකුගඩු ගල ඉවත් කරයි.

ලොව විශාලතම සහ බරම වකුගඩු ගල, ශල්‍යකර්මයක් මගින් ඉවත් කිරීම මගින් ගිනස් ලෝක වාර්තා අතරට එක්වීමට යුද හමුදා වෛද්‍යවරු සමත්වි ඇති අතර මෙම ශල්‍යකර්මය පසුගිය පසුගිය බ්‍රහස්පතින්දා (ජුනි 1) කොළඹ යුද හමුදා රෝහලේදී සිදු කර ඇත.

කොළඹ යුධ හමුදා රෝහලේ මුත්‍රා රෝග විශේෂඥ වෛද්‍ය ලුතිනන් කර්නල් (වෛද්‍ය) කේ. සුතාර්ෂන් මහතා, කපිතාන් (වෛද්‍ය) ඩබ්ලිව්.පී.එස්.සී පතිරත්න සහ වෛද්‍ය තාමෂා ප්‍රේමතිලක සමඟ එක්ව මෙම ශල්‍යකර්මය සිදුකරන ලදි.

ශල්‍යකර්මයේදී නිර්වින්දන විශේෂඥ වෛද්‍යවරුන් ලෙස කර්නල් යූ.ඒ.එල්.ඩී පෙරේරා සහ කර්නල් සී.එස්. අබේසිංහ ද දායක වූහ.

යුද හමුදා වෛද්‍යවරුන් විසින් බ්‍රහස්පතින්දා (1) කොළඹ යුද හමුදා රෝහලේ දී ඉවත් කරන ලද ගල සෙන්ටිමීටර 13.372 ක් දිග සහ ග්‍රෑම් 801 ක් බරින් යුක්ත වේ.

ශල්‍යකර්මයෙන් පසු ඉවත් කරන ලද ගල යුධ හමුදා සෞඛ්‍ය සේවා අධ්‍යක්ෂ ජනරාල් මේජර් ජෙනරාල් පී.ඒ.සී ප්‍රනාන්දු සහ ලුතිනන් කර්නල් කේ. සුතාර්ෂන් විසින් යුධ හමුදාධිපති ලුතිනන් ජෙනරාල් විකුම් ලියනගේ වෙත යුධ හමුදා මූලස්ථානයේ දී පෙන්වනු ලැබීය.

දැනට පවතින ගිනස් වාර්තාවට අනුව ලොව විශාලතම වකුගඩු ගල (2004 ඉන්දියාව) සෙන්ටිමීටර 13 ක් වන අතර බරින් වැඩිම වකුගඩු ගල (2008 පාකිස්තානය) බර ග්‍රෑම් 620 ක් ලෙස සටහන්ව ඇත.

Related posts

නොරොච්චෝලේ අක්‍රිය වූ ජනන යන්ත්‍රය පරීක්ෂාවට චීන විශේෂඥයෙක්

colombotoday

පරාජිත මන්ත‍්‍රීන්ගේ ආරක්‍ෂකයන් ඉවතට.. හිටපු අගමැතිගේ ආරක්‍ෂකයන් ගැන තවම තීරණයක් නෑ..

colombotoday

පුද්ගලික ධනයෙන් විල්පත්තු, කල්ලාරු වන වගාව සිදුකරනු. හිටපු ඇමති රිෂාඩ්ට අභියාචනාධිකරණයෙන් නියෝග.

colombotoday

කිරිඇල්ල, අශෝක්, හර්ෂ ද සිල්වා සහ තුෂාර ඉඳුනිල් මන්ත්‍රීවරු ස්වයං නිරෝධායනයට

colombotoday

සා. පෙළ විභාග කල් දැමීමේ කිසිදු තීරණයක් නැහැ..

colombotoday

ටයර් සෑයවල පුච්චපු කොල්ලෝ කෙල්ලෝ ගාන මතකනම් ආයේ ප්‍රේමදාස යුගයකට යන්නේ නෑ

colombotoday