ශ්‍රී ලංකා රජය සමග ඉන්දියාව අත්සන් තැබීමට නියමිත වෙළද හා තාක්ෂණික සහයෝගිත ගිවිසුම “එක්ටා“ පිටුපස ක්‍රියාත්මක වන්නේ ආර්ථික ප්‍රතිපත්තියකට එහා ගිය දේශපාලනික උවමනාවක් බව ජනතා විමුක්ති පෙරමුණේ නායක අනුර කුමාර දිසානායක මහතා පවසයි.
“රටේ ආර්ථිකය ඉන්දියාවට බිලි දෙන එට්කා එපා!” යනුවේ ජනතා විමුක්ති පෙරමුණ ඊයේ (18) සංවිධානය කළ සම්මන්ත්‍රණක් අමතමින් ඔහු මේ බව පැවසීය.
ආණ්ඩු බිහි කිරීමට සහ පවතින ආණ්ඩු පෙරළිමට කටයුතු කරමින් ඉන්දියාව කවදත් මෙරටේ දේශපාලනයට මැදිහත් වූ බවත් රනිල් වික්‍රමසිංහ අගමැතිවරයා හරහා ක්‍රියාත්මක වන්නේද ඉන්දියාවේ එකී දේශාපාලන උවමනාව බවද පෙන්වා දෙන ජවිපෙ නායකයා උද්දච්ච ප්‍රකාශ කරමින් අගමැතිවරයා එක්ටා ගිවිසුම බලහත්කාරයෙන් ක්‍රියාත්මක කිරීමට දරණ උත්සහයට එරෙහිව ජනතාව පෙළගැස්විය යුතු බවද පැවසීය.