වැල්ලම්පිටිය කොලොන්නාව ජි.ජි .මාවතේ නිවසක් වටලා හෙරොයින් මත්කුඩු තොගයක් සමග කාන්තාවක් අත්අඩංගුවට ගත් බව පොලිස් විශේෂ කාර්ය බලකාය පවසයි.
එහි දී රුපියල් ලක්ෂ 4කට ආසන්න වටිනාකමින් යුත් හෙරොයින් ග්‍රෑම් 35 මිලි ග්‍රෑම් 350 ක්ද, මුදල් රුපියල් 1,026,700 ක්ද, ජංගම දුරකථනයක් සහ ඩිජිටල් තරාදියක් පොලිස් භාරයට ගෙන ඇත.
අත්අඩංගුවට ගත් මෙම සැකකාරිය කොලොන්නාව ප්‍රදේශයේ පදිංචි වයස අවුරුදු 40ක් වන කාන්තාවකි.
සැකකාරිය වැඩිදුර විමර්ශන සඳහා වැල්ලම්පිටිය පොලිසිය වෙත භාරදී තිබේ.
ගෝනහේන පොලිස් විශේෂ කාර්ය බළකායේ විශේෂ මෙහෙයුම් අංශයේ නිලධාරීන් විසින් මෙම වැටලීම සිදුකර ඇත.
