ජාත්‍යන්තර මූල්‍ය අරමුදලේ හා ලෝක බැංකුවේ වාර්ෂික සමුළුවට මෙරට නියෝජිත පිරිසක් සහභාගී කරවීමට තීරණය කර තිබේ.
සමුළුව ලබන මස 10 වැනි දා සිට 16 වැනි දා දක්වා අමෙරිකාවේ වොෂින්ටන් නුවරදී පැවැත්වීමට සැලසුම් කර ඇත.
වැඩ බලන මුදල් අමාත්‍ය ශෙහාන් සේමසිංහ මහතා සඳහන් කළේ, තමන් ඇතුළු පිරිසක් සමුළුවට සහභාගි වන බවයි.
සමුළුවට මහ බැංකු අධිපතිවරයා, මුදල් අමාත්‍යාංශ ලේකම්වරයා ඇතුළු පිරිසක් ද සහභාගි වීමට නියමිතව ඇති බවද ඔහු පැවසීය.
මෙරට ණය ප්‍රතිව්‍යුහගත කිරීම් හා ජාත්‍යන්තර මූල්‍ය අරමුදලේ ණය ලබා ගැනීම සම්බන්ධ වැඩසටහන් හේතුවෙන් මෙවර සමුළුව ශ්‍රී ලංකාවට ඉතා වැදගත් වන බව ඔහු ප්‍රකාශ කළේ ය.