අද (27) උදෑසන බෙලිඅත්ත සිට පැමිණි රුහුණු කුමාරී සීඝ්‍රගාමී දුම්රිය ධාවනය අවසන් කොට නැවත දුම්රිය අංගනය වෙත ගමන් කිරීමේ දී අංගනයෙන් ඉවතට ධාවනය වී දුම්රිය රියදුරුකුගේ නිල නිවාසයකට කඩා වැදී තිබේ.
එම අවස්තාවේ එම දුම්රිය අංගනය වෙත ධාවනය කල දුම්රිය රියදුරු සහයකගේ වැඩ තහනම් කිරීමට දුම්රිය පාලනාධිකාරිය කටයුතු කර ඇති බවයි වාර්තා වන්නේ.
එම හේතුවෙන් දුම්රිය රියදුරු සහයකයන් විසින් ක්ෂණික වෘත්තීය ක්‍රියාමාර්ගයට අවතීර්ණ වී තිබේ.
මේ හේතුවෙන් දුම්රිය කිහිපයක් මේ වන විට අවලංගු කිරීමට දුම්රිය දෙපාර්තමේන්තුවට සිදුව ඇති බව සඳහන්.