ඉන්දු – ලංකා ආර්ථික හා තාක්ෂණික සහයෝගිතා (ETCA) ගිවිසුම මේ වසර අගදී අත්සන් කිරීමට අගමැතිවරයා තීරණය කර ඇති අතර එම ගිවිසුම සම්බන්ධයෙන් සුබවාදී මතවාදයක් රටතුළ ගොඩ නැගීම සදහා වන ප්‍රචාරක මෙහෙයමු නිවාස සංවර්ධන අමාත්‍ය සජිත් ප්‍රේමදාස මහතාට භාර දී තිබේ.
ඒ අනුව සජිත් ප්‍රේමදාස මහතා දැනටමත් වැඩ ආරම්භ කර ඇති අතර තමන් සහභාගී වන සෑම ජනහමුවකදීම එට්කා ගිවිසුම සම්බන්ධයෙන් අතිශොක්තියෙන් වර්ණනා කරමින් අදහස් දක්වමින් සිටී.
උදාගම්මාන වැඩපිළිවෙළ යටතේ හම්බන්තොට දිස්ත්‍රික්කයේ පිහිටුවනු ලබන 42 වන ගම්මානය වන් රන්මිණිතැන්න ශ්‍රී නරේන්ද්‍ර මෝඩි ගම්මානයේ ඉදිකිරීම් කටයුතු ආරම්භ කරමින් පැවති ජනහමුව ඇමතූ ඇමතිවරයා මේ වන විට ශ්‍රී ලංකාවේ නිෂ්පාදනවලට ඇත්තේ මෙරට ජනගහනයට සීමා වූ ලක්ෂ 200ක පමණ සීමිත වෙළෙඳපොළක් පමණක් බවත්, එට්කා ගිවිසුම අත්සන් කිරීමෙන් අනතුරුව මෙරට කාර්මාන්ත ශාලාවල නිපදවන භාණ්ඩ බාධාවකින් තොරව ලක්ෂ 13,000ක වෙළෙඳපොළක් වෙත යොමු කළ හැකි බව සඳහන් කළේය.
ශ්‍රී ලංකාව හා ඉන්දියාව අතර ආර්ථික සබඳතා ශක්තිමත් වනවා දැකීමට අකමැති කුහක පිරිස් මෙම ගිවිසුමෙන් මෙරටේ ස්වෛරීභාය හා ස්වාධීනත්වය නැති වන බව ප්‍රකාශ කළ ද එවැන්නක් සිදු නොවන බවත් තමන්ට පැවරුණු රාජකාරිය අකුරටම ඉටුකරමින් අමාත්‍යවරයා එහිදී වැඩිදුරටත් පවසා සිටියේය.