අධ්‍යාපන අමාත්‍ය අකිල විරාජ් කාරියවසම් මහතා අමාත්‍යාංශයේ මුදලින් රුපියල් එක්ලක්ෂ තිස්දාහක් වටිනා ටැබ් පරිගණකයක් මිලදී ගෙන ඇති බවත් එය අලුත්වැඩියා කිරීම සදහා තවත් රුපියල් තිස්දහසක මුදලක් අමාත්‍යාංශ වියදමෙන් දරා ඇති බවටත් පසුගිය දිනවල වෘත්තීය සමිතිවලින් විවේචන ඉදිරිපත් විය.
ඊයේ (07දා) අධ්‍යාපන අමාත්‍යාංශයේදී පැවති මාධ්‍ය හමුවකදී ඊට ප්‍රතිචාර දක්වමින් අමාත්‍යවරයා පැවසුවේ අමාත්‍යවරයෙකු සතු වරප්‍රසාද යටතේ එය ලබාගත් බවයි. ඊමේල් පරික්ෂා කිරීම සදහා තමන් එය ගත් බවත්, ඒ නිසා ඇමතිවරයෙකු වශයෙන් තම රාජකාරී පහසු වී ඇති බවත් එබැවින් ඒ සඳහා කරන වියදම නාස්තියක් නොවන බවත් අමාත්‍යවරයා එහිදී ප්‍රකාශ කර සිටියා.