සෞදියේදී ගල් ගසා මරා දැමීමට නියමිතව සිටින ශ්‍රී ලාංකික කාන්තාව බේරාගැනීමට නොහැකිවුහොත් එය ආන්ඩුවේ බරපතල පරාජයක් බව විදුලිබල හා පුනර්ජනනීය බලශක්ති පිළිබද නියෝජ්‍ය ඇමති අජිත් පී පෙරේරා මහතා පවසයි.
ඔහු මේ බව කියා සිටියේ අද (04) පාර්ලිමේන්තුවේදීය.
නම නොකියන මේ කාන්තාවට මරණ දඩුවම ලබා දුනහොත් සෞදි ආරාබියට ශ්‍රී ලංකාවෙන් ගෘහ සේවිකාවන් යැවීම සම්පූර්ණයෙන්ම නවතා දැමිය යුතු බවත්, ඔවුන් හා ඇති තානාපති සම්බන්ධකම්ද අත්හැර දැමිය යුතු බවත් ඔහු කීය.
සෞදි අරාබියේ ගෘහ සේවිකාවක ලෙස රැකියාවට ගොස් බිළිදෙකු මරා දැමීමේ චෝදනාවට ඉස්ලාම් ශරියා නීතිය අනුව ගෙල කපා මරා දැමූ ශ්‍රී ලාංකික තරුණියක වන රිසානා නාෆික් එම මරණ දඩුවමින් බේරා ගැනීමට නොහැකි වූ අවස්ථාවේ එය රාජපක්ෂ ආණ්ඩුවේ බලත් දුර්වලතාවයක් ලෙස තමා එදා ප්‍රකාශ කළ බවත්, අද ද තමා සිටින්නේ ඒ මතයේම යැදිය නියෝජ්‍ය අමාත්‍යවරයා පැවසීය.