ශ්‍රී ලංකා පරිපාලන සේවා ඉතිහාසයේ ප්‍රථම වතාවට තම සංගයමත් වෘත්තීය ක්‍රියාමාර්ගයකට යොමුවන බව ශ්‍රී ලංකා පරිපාලන සේවා සංගමය පවසයි. අයවැයට විරෝධය දක්වමින් අද එම සංගමයද සංඛේතාත්මක වැඩ වර්ජනයට එක්වන අතර කෑම පැයේදී විරෝධතාවක්ද ක්‍රියාත්මක කිරීමට සූදානම් බවත් පවසයි.
මේ අතර මෙතෙක්‌ ලද වරප්‍රසාද මෙවර අයවැය මගින් කප්පාදු කිරීමට එරෙහිව වෛද්‍යවරු, ඉංජිනේරුවරු, පරිපාලන සේවකයෝ, මිනින්දෝරුවරු, ගණකාධිකාරිවරු ඇතුළු වෘත්තීය සංගම් දාහතක්‌ අද (03 දා) දීපව්‍යාප්ත වැඩ වර්ජනයක නියෑළෙයි.