අරණායක, කලුගල කලෑ ප්‍රදේශයකදී මද්දකට හසුව සිටියදි බේරා ගනු ලැබු දිවියාට ප්‍රතිකාර කිරීමෙන් අනතුරුව නැවත සුදුසු කැළෑවකට මුදා හැරීමට පියවර ගත්බව වනජීවී නිලධාරීහු පවසති.
ශ්‍රී ලංකාවට පමණක් ආවේණික, විද්‍යාත්මකව පැන්තරා පාර්ඩුස් නමින් හඳුන්වනු ලබන මෙම දිවියා අවුරුදු තුනත් හතරත් අතර වයසේ පසුවන ඉතාමත් නිරෝගී පිරිමි සතෙකු බව වනජීවී නිලධාරීහු පවසති.
මෙම දිවියා ඊයේ (03)දින එම ප්‍රදේශයේදී මද්දකට හසුව සිටියේය. නුවරඑළිය, හග්ගල වනජීවී අඩවි ආරක්ෂක කාර්යාලයේ නිලධාරීන්, වනජීවී මධ්‍යම කලාපයේ රන්දෙණිගල පශු වෛද්‍ය ඒකකයේ පශු වෛද්‍ය අකලංක මහතා ඇතුළු වනජීවී නිලධාරී කණ්ඩායම විසින් දිවියාගේ දිවි ගලවාගනු ලැබ ඇත.