මීගමුව බුද්ධි අංශ නිලධාරීන් කණ්ඩායමක් දඬුගම ප්‍රදේශයේ හෝටලයක් අසල සිදුකළ වැටලීමකදී හෙරොයින් ග්‍රෑම් 30 ක් සමග සැකකරුවෙකු අත්අඩංගුවට ගෙන තිබේ.
මෙහිදී හෙරොයින් ප්‍රවාහනය සඳහා යොදාගත් බවට සැකකෙරෙන වෑන් රථයක් ද මීගමුව බුද්ධි අංශ නිලධාරීන් භාරයට ගෙන ඇත.
මේ අතර ගල්කිස්ස පොලිසියේ නිලධාරීන් කණ්ඩායමක් රත්මලාන, තෙලවල ප්‍රදේශයේ සිදුකළ වැටලීමක දී ගංජා කිලෝග්‍රෑම් දෙකක් සමග සැකකරුවෙකු අත්අඩංගුවට ගෙන තිබේ.
අත්අඩංගුවට ගත් මෙම සැකකරුවන් මූලික විමර්ශනවලින් අනතුරුව අධිකරණයට ඉදිරිපත් කිරීමට නියමිතය.
අදාළ පොලිස් ස්ථාන මේ සම්බන්ධයෙන් වැඩිදුර විමර්ශන සිදුකරයි.