ජනාධිපති රනිල් වික්‍රමසිංහ මහතාගේ ආණ්ඩුවේ පළමු අය – වැය අද(30)දින පාර්ලිමේන්තුවට ඉදිරිපත් කිරීමට නියමිතය.
ඒ අනුව, මුදල් ආර්ථික ස්ථායිකරණ සහ ජාතික ප්‍රතිපත්ති කටයුතු පිළිබඳ අමාත්‍යවරයා ලෙස ජනාධිපති රනිල් වික්‍රමසිංහ මහතා විසින් 2021 අංක 30 දරණ විසර්ජන පනත සංශෝධනය කිරීම සඳහා වූ විසර්ජන සංශෝධන පනත් කෙටුම්පත දෙවැනි වර කියවීම අද (30)දින සිදු කරනු ලැබේ.
2022 වර්ෂයේ ඉතිරි කාලය සඳහා මෙම විසර්ජන පනත් කෙටුම්පත පෙර ඉදිරිපත් කරන ලද විසර්ජන පනතට සංශෝධනයක් වශයෙන් පාර්ලිමේන්තුවට ඉදිරිපත් කෙරෙනු ඇති.
පනත් කෙටුම්පත පිළිබඳ දෙවන වර කියවිමේ විවාදය හෙට සිට ලබන 02 වැනි දා පාර්ලිමේන්තුවේ විවාදයට ගැනීමට නියමිතය.
ඉදිරිපත් කෙරෙන සංශෝධනවලදී පැවති ප්‍රාග්ධන වියදම් රැසක්, පුනරාවර්තන වියදම්වලට මාරු කෙරේ.