ජනාධිපති ලේකම් කාර්යාලය ඇතුළු ස්ථාන 04ක සිදුව ඇති හානි සම්බන්ධයෙන් පුරාවිද්‍යාත්මක විමර්ශනයක් කරන්නැයි, පොලීසිය පුරාවිද්‍යා දෙපාර්තමේන්තුවෙන් ඉල්ලා තිබේ.
පුරාවිද්‍යා දෙපාර්තමේන්තුව සදහන් කරන්නේ, ජනාධිපති මන්දිරය, අරලියගහ මන්දිරය සහ අගමැති කාර්යාලය සහ ජනාධිපති ලේකම් කාර්යාලය යන ස්ථානවල විමර්ශන කරන්නැයි තම දෙපාර්තමේන්තුවෙන් පොලීසිය ඉල්ලා ඇති බවය.
මේ අනුව, ජනාධිපති මන්දිරයේ කෞතුක භාණ්ඩවලට, ගොඩනැගිල්ලට සිදුව ඇති හානිය සහ පුරා වස්තු සම්බන්ධයෙන් ලේඛනගත කිරීම මේ වනවිට ආරම්භ කර ඇති බවත් ඒ සම්බන්ධ පූර්ණ වාර්තාවක් කඩිනමින් ලබාදීමට මේ වනවිට පියවර ගනිමින් ඇති බවත් පුරාවිද්‍යා දෙපාර්තමේන්තුව සඳහන් කළේ ය.
පොලීසිය කළ ඉල්ලීම අනුව, සෙසු ස්ථානවල විමර්ශන කටයුතු ද ආරම්භ කිරීමට පියවර ගන්නා බව, පුරාවිද්‍යා දෙපාර්තමේන්තුව සඳහන් කළේ ය.