Colombo Today Local News

සංචාරක වීසා හරහා රැකියා වලට රට යවන බව කියා මිනිස් ජාවාරම් කරන අයට නීතිය දැඩි වෙයි

සංචාරක වීසා හරහා රැකියා සඳහා ශ්‍රමිකයින් විදේශ රටවලට පිටත්කර යවන මිනිස් ජාවාරම් කරන පුද්ගලයන්ට සහ ආයතනවලට දැඩිව නීතිය ක්‍රියාත්මක කරන බව කම්කරු හා විදෙස් රැකියා අමාත්‍ය මනූෂ නානායක්කාර මහතා අවධාරණය කරයි.

ගුවන්තොටුපොළ, ආගමන විගමන පාලක සහ විදේශ සේවා නියුක්ති කාර්යංශය, රහස් පොලීසියේ සහයෝගය මත මෙම මාෆියාවට තිත තබන බවයි කම්කරු හා විදෙස් රැකියා අමාත්‍ය මනූෂ නානායක්කාර මහතා වැඩිදුරටත් පවසන්නේ.

විදේශ සේවා නියුක්ති කාර්යංශයේ ලියාපදිංචි නොමැති ආයතන සහ පුද්ගලයන් මෙම මාෆියාව ක්‍රියාත්මක කරන බවත්, විදේශ සමාගමක නිසි රැකියා ගිවිසුමක් රහිතව හෝ ලියාපදිංචි නොමැති කිසිදු පාර්ශ්වයක් හරහා හෝ රැකියා අපේක්ෂාවෙන් සංචාරක වීසා මත හෝ විදෙස්ගත නොවන ලෙස මෙරට තරුණ ප්‍රජාවගෙන් ඉල්ලා සිටින බවත් අමාත්‍යවරයා පවසයි.

රැකියා අපේක්ෂාවෙන් සංචාරක වීසා මත විදෙස්ගත වන තරුණ තරුණියන් සහ කාන්තාවන් එම රටවල දී වැඩි වශයෙන් බරපතල හිංසාවන්ට පීඩාවන්ට ලක්වන බවට දෛනික ව වාර්තා වන බවත්, එය ඔවුන්ගේ ජීවිතයට සහ රටේ කීර්ති නාමයට ද බරපතල තර්ජනයක් බවත්, මේ නිසා සංචාරක වීසා මගින් රැකියා සඳහා විදේශගත වීම නොකරන ලෙසත් ආමාත්‍යවරයා වැඩිදුරටත් දන්වා සිටි.

Related posts

බිම් මට්ටමේ ගැටුම් ඇතිවීමේ අවධානමක්

Admin

හිටපු ජනපති සිරිසේනගේ ජයග්‍රහණය වෙනුවෙන් පොලොන්නරුවේ පැවති රැලියකට ජනපති ගෝඨාභය එක් වෙයි

colombotoday

ඇඳිරි නීතිය කඩකළ 2797ක් අත්අඩංගුවට

colombotoday

බැදුම්කර වංචාවෙන් සේවක අර්ථසාධක අරමුදලට කෝටි 1490ක පාඩුවක් !

colombotoday

‘කිඹුලා ඇලේ ගුණා’ ගේ සමීපතමයෙක් අයිස් ග්‍රෑම් 76ක් සමග අත්අඩංගුවට

colombotoday

ශ්‍රි ලංකා නාවික හමුදාව අභිමානවත් 70 වන සංවත්සරය සමරයි

colombotoday