ඉන්දියාවේ 75 වන නිදහස් දින සැමරුම අද (15)දින නවදිල්ලියේදී අග්‍රාමාත්‍ය නරේන්ද්‍ර මෝදිගේ ප්‍රධානත්වයෙන් පැවැත්වූණි.
නරේන්ද්‍ර සිං මෝදිගේ නායකත්වයෙන් සැමරෙන නව වන නිදහස් සැමරුම මෙය ලෙස සැළකේ.
ඉන්දීය අග්‍රාමාත්‍යවරයා වෙඩි නොවදින පීඨිකාවක සිට අද ජාතිය ඇමතුවේය.
උත්සව සභාව අමතමින් අග්‍රාමාත්‍ය නරේන්ද්‍ර සිං මෝදි ප්‍රකාශ කර සිටියේ ගෝලීය වසංගතයේදී ඉන්දීය විද්‍යාඥයින් ඉන්දියාව වෙනත් කිසිඳු රටක් හෝ කිසිවෙකු මත යැපීම වළක්වා ඇති බවයි.
තවද කෝටි 54ක් වූ ජනතාවට එන්නත්කරණය සිදු කරමින් ඉන්දියාව ලොව විශාලම කොරෝනා එන්නත්කරණය සිදු කළ බවද ඔහු සඳහන් කළේ ය.
මෙහිදී ඔලිම්පික් පදක්කම් දිනූ ඉන්දීය ක්‍රීඩක ක්‍රීඩිකාවන්ට ද සම්මාන පිරිනැමීම සිදු කරන ලදී.