අධික වේගයෙන් ධාවනය කළ මෝටර් රථයක් මාර්ගයෙන් ලිස්සාගොස් ගසක හැපීමෙන් මෝටර් රථය පැදවූ 23 හැවිරිදි තරුණයෙක් මියගොස් තිබේ.
එම රිය අනතුර සිදුව ඇත්තේ බුත්තල පැල්වත්ත ප්‍රදේශයේදී ය.
ඉන් උසස් පෙළ හදාරන පාසල් සිසුවෙක් ඇතුළු තවත් අයෙක් තුවාල ලබා ඇති බව වාර්තා වේ.
බුත්තල පොලිස් බල ප්‍රදේශයේ පැල්වත්ත සිනී සමාගම පරිශ්‍රයේ ඇති මාර්ගයක ඊයේ (7)දින පස්වරුවේ දී සිදුවූ එම අනතුරින් පසිඳු විජේසේකර නම් එම තරුණයා ජීවිතක්ෂයට පත්විය.
මෝටර් රථය මාර්ගයෙන් ඉවතට පැන ගසක ගැටීමෙන් මෙම අනතුර සිදුවී ඇති අතර අනතුර සිදු වන අවස්ථාවේ දී මෝටර් රථයේ පුද්ගලයන් තිදෙනකු ගමන්කර ඇත.
තුවාල ලැබූ පාසල් සිසුවා මියගිය පුද්ගලයාගේ බාල සොහොයුරා වේ.