උඩු ගුවන ජයගත් ලොව ප්‍රථම ජීවියා වෙමින් රුසියාවේ ලයිකා බැල්ල ඉතිහාසයේ අමරණීය වාර්තාවකට හිමිකම් කීවා. අභ්‍යවකාශයට නොගියත් අඩි 4000 ක් පමණ උඩු ගුවනේ සිට ඉතිහාසගත පිම්මක් පනිමින් අපේ කෙනෙකුත් ඉතිහාසගත වාර්තාවක් තැබුවා. ඇය නමින් ටීෂා… යුධ හමුදා කමාන්ඩෝ බලකායේ යුධ සුනඛයෙක්. ටීෂා මේ වාර්තාව තැබුවේ ඉකුත් (21දා) ශ්‍රි ලංකා යුද හමුදා කමාන්ඩෝ රෙජිමේන්තුවේ කුඩාඔය පුහුණු පාසලේ පැවති විසිරයෑමේ පෙළපාලියේ පිරික්සුම් පහන් සංදර්ශනයේදී මේජර් එන්.පී.එස් සිරන්ජීව සමග උඩු ගුවනේ සිට පැරෂුට් පිම්මක් පනිමින්.
මේජර් එම්.එන්.පි.එස්. සිරන්ජීව 1995 දී පැරෂුට් පුහුණුව ආරම්භ කිරීමෙන් පසු මෙතෙක් වසර 20 ක පමණ කාලය තුල දී ජාත්‍යන්තර අවස්ථා ,රාජ්‍ය උත්සව මෙන්ම තවත් උත්සව රැසකට සහභාගි වී ඇති අතර සුනඛයෙකු සමඟින් උඩුගුවනේ සිට පැරෂුටයක් මඟින් පනින ලද ප්‍රථම අවස්ථාව ද මෙය යුද හමුදා ඉතිහාසයට එක් වෙයි.
ඡායාරූප – Army.lk