කතරගම ප්‍රදේශයේ සිදුවූ වෙඩි තැබීමකින් 52 හැවිරිදි පුද්ගලයෙකු ජීවිතක්ෂයට පත්ව තිබේ. බරපතළ තුවාල ලැබූ අදාළ පුද්ගලයා දෙබරවැව රෝහලට ඇතුළත් කිරීමෙන් අනතුරව මිය ගොස් ඇති බව පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති නීතිඥ අජිත් රෝහණ මහතා පවසයි.
ඊයේ (06)දින රාත්‍රී 7.30ට පමණ වෙඩි තැබීම සිදුකර ඇත.
වෙඩි තැබීම සිදුකළ පුද්ගලයා සොයා කතරගම පොලීසිය සහ විශේෂ කාර්ය බලකාය මෙහෙයමුක් අරඹා තිබෙන අතර සැකකරු සිද්ධියෙන් පසු යාල කැලය දෙසට පළා ගොස් ඇති බවට තොරතුරු අනාවරණය කරගෙන ඇත.
පෞද්ගලික අමනාපයක් මත මෙම වෙඩි තැබීම සිදු කර ඇති බවට වාර්තා වී ඇත.