ජීවන වියදම පිළිබඳ අමාත්‍ය මණ්ඩල අනුකාරක සභාව යළි ස්ථාපනය කිරීමට අමාත්‍ය මණ්ඩල අනුමැතිය ලැබී තිබේ.
ඒ අනුව, ජනාධිපතිවරයාගේ සභාපතිත්වයෙන් යුතුව කමිටු සාමාජිකයින් 7 දෙනෙකුගේ සහභාගිත්වයෙන් එම කාරක සභාව ප්‍රතිස්ථාපනය කර ඇත.
ජීවන වියදම ස්ථාවරව පවත්වා ගෙන යාම සඳහා අවශ්‍ය ප්‍රතිපත්තිමය හා ප්‍රායෝගික විසඳුම් එම කමිටුව තුළින් ගැනීමට නියමිත ය.
ඊට අදාළ යෝජනාව ජනාධිපති ගොත්භය රාජපක්ෂ මහතා විසින් ඉදිරිපත් කරනු ලැබ ඇත.
එම අනුකාරක සභාවේ සංයුතිය පහත පරිදි වේ.
ජනාධිපති ගෝඨාභය රාජපක්ෂ – සභාපති
අග්‍රාමාත්‍ය රනිල් වික්‍රමසිංහ
ධීවර අමාත්‍යවරයා
ප්‍රවාහන හා මහාමාර්ග අමාත්‍යවරයා
කෘෂිකර්ම අමාත්‍යවරයා
වැවිලි කර්මාන්ත අමාත්‍යවරයා
විදුලිබල හා බලශක්ති අමාත්‍යවරයා
වෙළෙඳ වාණිජ හා ආහාර සුරක්ෂිතතා අමාත්‍යවරයා
මේ අතර, ජීවන වියදම පිළිබඳ අමාත්‍ය මණ්ඩල අනුකාරක සභාවේ කටයුතු සඳහා සහය වීමට වෙළෙඳ වාණිජ හා ආහාර සුරක්ෂිතතා අමාත්‍යවරයාගේ සභාපතිත්වයෙන් සහ අදාළ අමාත්‍යවරුන්ගේ සහභාගිත්වයෙන් ආහාර සුරක්ෂිතතා කමිටුව පත්කිරීමට ද කැබිනට් මණ්ඩල අනුමැතිය හිමි වී තිබේ.