ජනාධිපති මන්දිරය, අරලියගහ මන්දිරය, අගමැති කාර්යාලයට අලාභහානි කරමින් පැරැණි භාණ්ඩ සොරකම් කිරීම හා අගමැති රනිල් වික්‍රමසිංහගේ පෞද්ගලික නිවසට ගිනි තැබීමේ සිද්ධිය සම්බන්ධයෙන් සැකකරුවන් හැත්තෑවක් පමණ පොලිසිය හඳුනාගෙන ඇත.
ඔවුන්ගෙන් බහුතරය දේශපාලන පක්ෂවලට සම්බන්ධ අය බවද පොලිසිය පවසයි
සමාජ මාධ්‍ය ඔස්සේ සජීවී දර්ශන පෙන්වමින් ජනතාව උසි ගැන්වූ පුද්ගලයන්ද ඒ අතර වෙයි.
අගමැතිවරයාගේ පෞද්ගලික නිවස ගිනි තැබීමේ සිද්ධිය සම්බන්ධයෙන් සමගි ජන බලවේගයේ ගම්පහ දිස්ත්‍රික් ආසන සංවිධායකවරයකු අත්අඩංගුවට ගැනීමට නියමිතය.
ඔහු පුත්තලම දිස්ත්‍රික් හිටපු නියෝජ්‍ය ඇමැතිවරයකුගේ පුත්‍රයෙකි. මෙම සැකකරු මේ වන විට අතුරුදන් වී ඇති බවද අපරාධ පරීක්ෂණ දෙපාර්තමේන්තුව අනාවරණය කරයි.
පාර්ලිමේන්තු සංකීර්ණය අසල ගැටුම සම්බන්ධයෙන් සමාජ ක්‍රියාකාරී පැතුම් කර්නල් අත්අඩංගුවට ගැනීමට නියමිත අතර ඔහුද අතුරුදන් වී ඇති බව පොලිසිය කියයි.