තාවකාලිකව වසා දැමුණු සපුගස්කන්ද තෙල් පිරිපහදුවේ කටයුතු අද (07) දිනයේ සිට යළි ආරම්භ කිරීමට නියමිතව තිබේ.
බලශක්ති අමාත්‍ය නීතීඥ උදය ගම්මන්පිල මහතා සඳහන් කළේ ඒ අනුව යළිත් වරක් බොරතෙල් පිරිපහදු කිරීමේ කටයුතු ආරම්භ කරන බවය.
බොරතෙල් තොග නොමැති වීම හේතුවෙන් නොවැම්බර් මස 15 වන දින සිට සපුගස්කන්ද තෙල් පිරිපහදුවේ කටයුතු තාවකාලිකව නතර කරනු ලැබීය.
කෙසේ වෙතත් තෙල් පිරිපහදුව වසා දමා දින 22 කට පසුව යළිත් එහි කටයුතු ආරම්භ කිරීමට පියවර ගෙන ඇති බව බලශක්ති අමාත්‍ය උදය ගම්මන්පිල මහතා වැඩිදුරටත් සඳහන් කළේය.