හැටන් හි ප්‍රදේශ දෙකකට නැවත දැනුම්දෙන තුරු සංචරණ සීමා පැනවීමට සෞඛ්‍ය බලධාරීන් කටයුතු කර ඇත.
අඹගමුව සෞඛ්‍ය වෛද්‍ය නිලධාරී කාර්යාලය සදහන් කළේ එම ප්‍රදේශ දෙකෙන් කොවිඩ්-19 ආසාදිතයන් වැඩි ප්‍රමාණයක් වාර්තාවීමත් සමග මෙම තීරණය ගත් බවයි.
ඒ අනුව ගිනිගත්හේන බ්ලැක්වොටර් වත්ත ප්‍රදේශයේ ඉහළ කොටසට සහ නෝටන්බ්‍රිජ් පොලිස් වසමේ දඩුකැලේවත්ත ප්‍රදේශයේ පහළ කොටසට මෙලෙස සංචරණ සීමා පනවා ඇත.
අඹගමුව සෞඛ්‍යය වෛද්‍ය කාර්යාලය සදහන් කළේ බ්ලැක්වොටර් වත්ත ඉහළ කොටසේ ප්‍රදේශයෙන් ආසාදිතයින් 15දෙනෙකු සහ දඩුකැලේවත්ත ප්‍රදේශයේ පහළ කොටස ප්‍රදේශයෙන් ආසාදිතයින් 7දෙනෙකු වාර්තාවී ඇති බවයි.
මෙම තත්ත්වය සලකා බැලීමෙන් අනතුරුව පළාත් සෞඛ්‍ය අධ්‍යක්ෂක සේවා කාර්යාලයේ අද පැවැති සාකච්ඡාවකදී සංචාරණය සීමා පැනවීමට තීරණය කර ඇත.