තාක්ෂණ අමාත්‍යංශයේ ලේකම් ධූරයට ජයන්ත ද සිල්වා මහතා පත් කර තිබේ.
ජනාධිපති මාධ්‍ය අංශය නිවේදනයක් නිකුත් කරමින් සඳහන් කළේ, ඊට අදාළ පත්වීම් ලිපිය අද (30) පෙරවරුවේ කොළඹ, කොටුව ජනාධිපති මන්දිරයේදී ලබා දී ඇති බව ය.
ජනාධිපති ලේකම් ගාමිණී සෙනරත් මහතා විසින් ජයන්ත ද සිල්වා මහතා වෙත අදාළ පත්වීම් ලිපිය භාර දෙනු ලැබ ඇත.
මේ අතර, ආයෝජන ප්‍රවර්ධන අමාත්‍යංශයේ ලේකම් ධූරයට ජෙනරල් දයා රත්නායක පත් කර තිබේ.
දයා රත්නායක මහතා මෙරට සිටි යුද්ධ හමුදාපතිවරයෙකු සහ ආරක්ෂක අමාත්‍යංශ ලේකම්වරයෙකි.
එමෙන් ම ඔහු 2021 වර්ෂයේදී ශ්‍රී ලංකා වරාය අධිකාරියේ සභාපතිවරයා ලෙස ද කටයුතු කළේ ය.