පෙට්‍රල් මෙට්‍රික් ටොන් 40,000ක් රැගත් නෞකාවක් ඊයේ (23) අලුයම මෙරටට ළඟා වීමට නියමිතව තිබුණ ද එම නෞකාවේ පැමිණීම දිනකින් ප්‍රමාද වන බව විදුලිබල හා බලශක්ති අමාත්‍ය කංචන විජේසේකර පවසයි.
මෙම නෞකාව අද (24)දින මෙරටට ළඟා වීමට නියමිතව ඇති බව අමාත්‍යවරයා සඳහන් කරයි.
මේ හේතුවෙන් ඊයේ සේම අද දින ද සීමිත පෙට්‍රල් ප්‍රමාණයක් රට පුරා බෙදා හැරීමට සිදුවන බව ඇමතිවරයා පවසයි.
එසේ ම ඔටෝ ඩීසල් උපරිම ධාරිතාවකින් බෙදා හැරීමට කටයුතු යොදා ඇති නමුත් සුපර් ඩීසල් බෙදා හැරීම සීමා කිරීමට සිදුව ඇතැයි ද අමාත්‍යවරයා වැඩිදුරට ත් සදහන් කරයි.