හිටපු පාර්ලිමේන්තු මන්ත්‍රී අමරකීර්ති අතුකෝරල මහතා ඝාතනය සම්බන්ධයෙන් තවත් සැකකරුවෙකු අපරාධ පරීක්ෂණ දෙපාර්තමේන්තුව(CID) විසින් අත්අඩංගුවට ගෙන තිබේ.
එලෙස අත්අඩංගුවට ගෙන ඇත්තේ පස්යාල ප්‍රදේශයේ පදිංචි 24 හැවිරිදි පුද්ගලයෙකි.
හිටපු පාර්ලිමේන්තු මන්ත්‍රීවරයා හා ඔහුගේ ආරක්ෂක නිලධාරියා ඝාතනය සම්බන්ධයෙන් මේ වනවිට සැකකරුවන් 31 දෙනෙකු අත්අඩංගුවට ගෙන ඇති අතර ඉන් 30 දෙනෙකු රක්ෂිත බන්ධනාගාරගත කර තිබේ.
පසුගිය මැයි 9 වැනිදා නිට්ටඹුව නගරයේ සිදුවූ ප්‍රචණ්ඩ ක්‍රියා අතරතුර හිටපු පාර්ලිමේන්තු මන්ත්‍රීවරයා හා ඔහුගේ ආරක්ෂක නිලධාරියා ඝාතනයට ලක්වීම සම්බන්ධයෙන් අපරාධ පරීක්ෂණ දෙපාර්තමේන්තුවේ විමර්ශන තවදුරටත් ක්‍රියාත්මකයි.