Colombo Today Local News

හර්තාල් දින සේවයට නාවන් සොයයි

දිවයින පුරා හර්තාලයක් ක්‍රියාත්මක වූ පසුගිය සිකුරාදා දිනයේ සේවයට වාර්තා නොකරන ලද නිලධාරීන් පිළිබඳව විස්තර ලබාගැනීමට ස්වදේශ කටයුතු රාජ්‍ය අමාත්‍යාංශය තීරණය කර තිබේ.

ඒ අනුව ඊට අදාළ ලිපියක් ස්වදේශ කටයුතු රාජ්‍ය අමාත්‍යාංශයේ ලේකම්වරයාගේ උපදෙස් මත සියලු දිස්ත්‍රික් ලේකම්වරු වෙත යොමුකර ඇති බව සඳහන් වේ.

පසුගිය 06 වන දින දිස්ත්‍රික් ලේකම් කාර්යාල සහ ප්‍රාදේශීය ලේකම් කාර්යාල මට්ටමින් සේවයට වාර්තා කිරීම සම්බන්ධ තොරතුරු දිස්ත්‍රික් මට්ටමින් අමාත්‍යාංශය විසින් ලබාදී ඇති ආකෘතියට අනුව සම්පූර්ණ කර ලබාදෙන ලෙස අදාළ ලිපිය මගින් සඳහන් කර ඇත.

මාණ්ඩලික සහ මාණ්ඩලික නොවන නිලධාරීන් වෙනවෙනම සටහන් තබා නොපැමිණීම සම්බන්ධයෙන් තොරතුරු ලබාදෙන ලෙස ද ස්වදේශ කටයුතු රාජ්‍ය අමාත්‍යාංශය දැනුම්දී තිබේ.

කෙසේවෙතත් මේ සම්බන්ධයෙන් ශ්‍රී ලංකා ප්‍රාදේශීය ලේකම්වරුන්ගේ සහ සහකාර ප්‍රාදේශීය ලේකම්වරුන්ගේ සංගමය, ස්වදේශ කටයුතු රාජ්‍ය අමාත්‍යාංශ ලේකම්වරයාට ලිපියක් යොමු කර ඇත.

එහිදී ඔවුන් පෙන්වාදී ඇත්තේ වෙනත් කිසිදු අමාත්‍යාංශයක් හෝ දෙපාර්තමේන්තුවක් මෙවැනි තොරතුරු ලබාගැනීමක් සිදුකර නොමැති අතර ස්වදේශ කටයුතු රාජ්‍ය අමාත්‍යාංශය පමණක් මෙවැනි තීරණයක් ගැනීම ගැටලු සහගත බවය.

එදින ප්‍රාදේශීය කාර්යාලවල නිලධාරින්ගෙන් සියයට 95කට වැඩි පිරිසක් සේවයට වාර්තා කර නොමැති බව එම සංගමය දැනුම්දී ඇත.

ඇතැම් නිලධාරීන් වෘත්තීය ක්‍රියාමාර්ගයක් ලෙසත් තවත් පිරිසක් ප්‍රවාහන අපහසුතා නිසාත් සේවයට වාර්තා කර නොමැති බවද එම සංගම් දැනුම්දී තිබේ.

Related posts

‘මංතීරු පුවරු දෙමළෙන් නොදැම්මොත් පොලීසියට නඩු” – ජාතික සංවාද අමාත්‍යාංශය දන්වයි

colombotoday

ඇවන්ගාඩ් සමාගමේ හිටපු සභාපති ජනාධිපති පරීක්ෂණ කොමිෂන් සභාව හමුවේ අද පෙනී සිටීමට නියමිතයි

colombotoday

අගමැති රැකගන්න පුරවැසි බලය එයි.. ජනපතිට ඉල්ලා අස්වී ගෙදර යන්න කියයි

colombotoday

පදික මාරුවේදී මෝටර් රියේ ගැටී පෙරපාසල් ගුරුවරිය මරුට

Admin

ජොන්ස්ටන් ප්‍රනාන්දු බේරාගන්න පොලීසියට බාර වුනු අනුරුද්ධ සම්පායෝ.

colombotoday

ජනපතිගේ තවත් නියෝගයක් විසිවේ.. ඇමතිලාට ගෙවල්, වාහන ගන්න තවත් පරිපූරක ඇස්තමේන්තුවක් !

colombotoday