Colombo Today Local News

සිංහල ජනතාව උතුරේ පදිංචි කරොත් අනවශ්‍ය ප්‍රශ්න ඇතිවෙනවා.. ඒනිසා අපි විරුද්ධයි – විග්නේෂ්වරන්

vignhwjjk32උතුරු පළාත තුළ සිංහල හා මුස්ලිම් ජනතාව පදිංචි කරවීමට උතුරු පළාත් සභාව, දෙමළ ජාතික සන්ධානය හා දෙමළ ජනතාව විරෝධය පලකරන බව උතුරු පළාත් ප්‍රධාන ආමත්‍ය සී.වී.විග්නේෂ්වරන් පවසයි.

ඔහු මේ බව පැවසුවේ දිවයිනේ සංචාරයට යෙදී සිටින කැනඩා විදේශ අමාත්‍ය ස්ටෙෆන් ඩියොන් සමය ඊයේ (29) පැවති සාකච්ඡාවකදීය.

මෙලෙස සිංහල හා මුස්ලිම් ජනතාව උතුරේ පදිංචි කිරීමට තමන් විරෝධය පළකරන්නේ එම ජනතාව සම්බන්ධයෙන් ඇති වෛරයක් නිසා නොවන බවත්, දෙමළ නොවන ජනාවාස උතුරේ ඇතිකළහොත් ඒ හරහා අනවශ්‍ය ගැටළු නිර්මාණය වන බැවින් යැයිද විග්නේෂ්වරන් මහතා එහිදී පවසා ඇත.

දෙමළ ජාතික සන්ධානය විසින් උතුරු නැගෙනහිර දෙපළාත එක්කර ෆෙඩරල් පාලන ක්‍රමයක් ඉල්ලන්නේ ඒතුළින් දෙමළ ජනතාවගේ අයිතිවාසිකම් සුරක්ෂිත කිරීමට බවද උතුරු පළාත් මහ ඇමතිවරයා එහිදී වැඩිදුරටත් ප්‍රකාශ කර ඇත.

යුද්ධයට පෙර විසිදහසක පමණ සිංහල ජනතාවක් යාපනය අර්ධද්වීපයේ පදිංචිව සිට ඇති අතර යුධ ගැටුම් නිමාවෙන් පසු සංවිධානාත්මක ලෙස එම ජනතාව නැවත පදිංචි කිරීම පිළිබදව රජය මේ දක්වා අවධානය යොමුකර නැත. යුධ අනාතයන් ලෙස ඇදිවත පමණක් අතැතිව උතුරෙන් පිටමං කළ එම ජනතාවගෙන් බහුතරයක් තවමත් වෙසෙන්නේ දකුණේ තම ඥාතීන් භාරයේය. එමෙන්ම සැළකිය යුතු ප්‍රමාණයක මුස්ලිම් ජනතාවද යාපනයෙන් එළවා දමන ලදි. යාපනයේ පදිංචි සිංහල සහ මුස්ලිම් ජනතාවට ඇදිවත පමණක් ඇතිව එක රැයින් පිටමං වන ලෙස ප්‍රභාකරන් නියෝග කර තිබිණි.

Related posts

බෑණාගේ සමාගම ආදායම් බද්දටත් පොලු තියලා – බැදුම්කර කොමිසමේදී හෙළිවෙයි

colombotoday

පාර්ලිමේන්තුවේ අදත් ඡන්දයක්…

colombotoday

නිෂ්පාදකයින්ට බිත්තරයකින් රුපියල් 25ක අයුතු ලාභයක්

Admin

ප්‍රසන්න මනි එක්ස්චේන්ජ් පුද්ගලික සමාගමේ බලපත්‍රය අවලංගු කරයි

Admin

මෝල් ගසකින් පහර දී දියණියක් මව මරා දාලා

colombotoday

ගෑස් පිපිරීම් සම්බන්ධයෙන් රහසිගත විමර්ශනයක් – ජොන්ස්ටන් මාධ්‍යට කියයි

colombotoday