එල්.ටී.ටී.ඊ සංවිධානයේ කාන්තා අංශයේ හිටපු නායිකා සිවගාමී ජෙයකුමාරන් හෙවත් තමිලිනී විසින් රචිත තියුණු අසිපතක සෙවන යට ග‍්‍රන්ථයෙන් උපයා ගත් රුපියල් ලක්ෂ තුනක් මහරගම පිළිකා රෝහලට සිකුරාදා (5) පිරිනැමීමට ඇගේ ස්වාමියා සහ ග‍්‍රන්ථ ප‍්‍රකාශක පියවර ගෙන ඇත.
ජෙයකුමාරන් ගේ ඉල්ලීමකට අනුව සිදු කෙරෙන මෙම ප‍්‍රදානය මහරගම පිළිකා රෝහලේ ළමා වාට්ටුවේ දරුවන්ට බෙහෙත් මිලට ගැනීමට පිරිනැමෙන බව අදාළ ග‍්‍රන්ථයේ ප‍්‍රකාශක, චිත‍්‍රපට අධ්‍යක්ෂක ධර්මසිරි බණ්ඩාරනායක මහතා සඳහන් කරයි.
පිළිකා රෝගයට ගොදුරුව මහරගම ප‍්‍රතිකාර ලබමින් සිටියදී තමිලිනීගේ අවසන් ඉල්ලීම වූයේ තමා විසින් ලියා අවසන් කළ කෘතියෙන් ලබා ගන්නා ආදායමෙන් කොටසක් පිළිකා රොහලේ ප‍්‍රතිකාර ලබන දරුවන්ට දෙන ලෙසයි.