Colombo Today Local News

අත්අඩංගුවට ගත් රේස් යතුරුපැදි 10ක රස පරීක්ෂක වාර්තා කැඳවයි

මිරිහාන පොලීසිය විසින් සිදුකළ වැටලීමකින් අනතුරුව රේස් පැදීමට සුදානම් කර තිබු යතුරුපැදි 26ක් පොලිස් භාරයට ගෙන තිබේ.

පොලිස් භාරයට ගත් යතුරුපැදි 10ක චැසි අංක වෙනස් කර දේශීයව නැවත සකස් කර ඇති බවට තහවුරු වී ඇතැයි පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවසීය.

පසුගිය සිකුරාදා දින මොරටුව, එගොඩ උයන ප්‍රදේශයේ සිදුවු රියඅනතුරකින් කුඩා දියණියන් දෙදෙනෙක් මියගොස් ඔවුන්ගේ මව බරපතළ තුවාල ලැබීමේ සිදුවීම මුල්කර ගනිමින් එම වැටලීම් සිදුකර තිබේ.

මේ පිළිබඳ වැඩිදුරටත් අදහස් දැක්වු පොලිස් මාධ්‍ය ප්‍රකාශකවරයා,

“මිරිහාන පොලීසිය විසින් පසුගිය ඉරිදා දින සවස් කාලයේ දී යතුරුපැදි 26ක් පමණ පොලිස් භාරයට ගනු ලැබුවා රේස් පැදීමට සුදානම් කර තිබිය දී. මෙම යතුරුපැදි ඊයේ දිනයේ දී මෝටර් ප්‍රවාහන දෙපාර්තමේන්තුවේ රථ වාහන පරීක්ෂකවරුන්ගේ නිරීක්ෂණය සඳහා යොමුකර තිබෙනවා. එම නිරීක්ෂණයෙන් පසුව වාර්තා වී ඇත්තේ එම යතුරුපැදි 26න් යතුරුපැදි 10ක චැසි අංක දේශීය වශයෙන් සකස් කරන ලද ඒවා බවයි. ඒවා වෙනස් කර ඇති බවයි. ඒ අනුව මෙම යතුරුපැදි රස පරීක්ෂකවරයා වෙත යැවීමට නියමිතව තිබෙනවා. මෙම පරීක්ෂාව සමග මෙම යතුරුපැදි ව්‍යාජ ලෙස සකස් කර ඇති බවට පෙනී යනවා.මේ පිළිබඳව මිරිහාන පොලීසිය තවදුරටත් පරීක්ෂණ පවත්වනවා. අදාළ යතුරුපැදි 26න් 10ක් රස පරීක්ෂකවරයා වෙත යවා වාර්තාවක් ලබා ගැනීමට නියමිතව තිබෙනවා.“

මේ අතර එම යතුරුපැදි හිමිකරුවන්ට ඉදිරියේ දී අදාළ නීති යටතේ නඩු පැවරීමට කටයුතු කරන බව ද පොලිස් මාධ්‍ය ප්‍රකාශකවරයා මෙහිදී වැඩිදුරටත් සඳහන් කළේය.

Related posts

යහපාලන ඇමතිලාට එරෙහි දූෂණ විමර්ශන එක තැන නවතී.. ඉහලින් බලපෑම් !

colombotoday

24 හැවිරිදි තරුණයෙක් තට්ටු 08කින් වැටී මිය යයි

Admin

කාබුල් නුවර ශ්‍රී ලංකා තානාපති කාර්යාලය වසා දමයි

colombotoday

මාර්ග සංවර්ධනයේදී නාම පුවරුවලින් දේශපාලක රුව, නම ගලවයි… ජනපතිගෙන් නියෝගයක්

colombotoday

සන්ධානය යහපාලන දීගෙ කටුගායි-අලුත් අගමැති පත් කරන්න ශ්‍රේෂ්ඨාධිකරණයේ මතය විමසයි

colombotoday

දකුණට සිංහ නාද උතුරට බලු කෙඳිරිලි | කොටි සැමරූ සුමන්තිරන් වහා අත්අඩංගුවට ගන්නැයි ඥානසාර හිමියෝ කියති.

colombotoday