ඒකාබද්ධ විපක්ෂය විසින් ගොඩනැගීමට යන නව පක්ෂයේ නම සහ පක්ෂ ව්‍යවස්ථාවට ඇතුළත් විය යුතු කරුණු සදහන් යෝජනා දහතුන්දහසක් පමණ ඊමේල් පණිවුඩ සහ තැපැල් මගින් මේවන විට ලැබී ඇතැයි පැවසෙයි.
නව සංවිධානයක් පිහිටුවීමේ ජනතා ඉල්ලීමට අනුව ඊට නමක් යෝජනා කිරීමට ජනතාවට ලබා දුන් කාලය පසුගිය 09 වැනිදාන් අවසන් වු බවත් නමුත් නව පක්ෂයේ ව්‍යවස්ථාව සඳහා යෝජනා ඉදිරිපත් කිරීමට ජනතාවට ලබන 15 වැනිදා දක්වා කල් ලැබෙන බවත් වාර්තා වේ.
පක්ෂයේ ව්‍යවස්ථාව ලබන 30 වැනිදා වනවිට සකස් කර අවසන් කිරීම සඳහා සත්දෙනෙකුගෙන් යුතු කමිටුවක් පත් කර ඇති අතර ඒ අනුව එම කමිටුවට ජනාධිපති නීතිඥවරයෙකු, ජ්‍යෙෂ්ඨ නීතිඥවරුන් දෙදෙනකු, විශ්වවිද්‍යාල ආචාර්යවරුන් දෙදෙනකු, වෘත්තීයවේදියෙකු සහ සමාජ ක්‍රියාකාරිනියක ඇතුළත් වේ.