කොරෝනා මර්ධන එන්නත් එක් මාත්‍රාවකින් මාස තුනකට රෝගය වැළඳීමේ ප්‍රවනතාව අඩු වන බව ශ්‍රී ජයවර්ධනපුර විශ්වවිද්‍යාලයේ වෛද්‍ය පීඨයේ ප්‍රතිජීව හා අණුක විද්‍යා අධ්‍යයනාංශයේ ප්‍රධානී මහාචාර්ය නීලිකා මලවිගේ මහත්මිය සඳහන් කර තිබේ.
එසේම යම් ආකාරයකින් රෝගය වැළඳුනහොත් සංකූලතා මතුවීම අඩු බවත් පුද්ගලයකුට උපරිම ආරක්ෂාව ලැබෙන්නේ දෙවන මාත්‍රාව ලබාගැනීමෙන් පසුව බවත් සඳහන් කර ඇත.
මේ අතර ඇස්ට්‍රාසෙනිකා එන්නත පළමු මාත්‍රාව ලබාගත් වැඩිහිටි පුද්ගලයන්ට එහි දෙවන මාත්‍රාව නිර්දේශිත කාලයේ ලබාදීම වැදගත් බවත් ඇය පෙන්වා දී තිබේ.
කෙසේ නමුත් ඇය වැඩි දුරටත් පෙන්වා දෙන්නේ වයස අවුරුදු 30 සහ 40 යන වයස් අතරේ සිටින එන්නත ලබාගත් පුද්ගලයන්ගේ ප්‍රතිශක්තිය ගොඩනැගෙන නමුත් වයස් ගත පුද්ගලයන්ගේ සැලකියයුතු මට්ටමකින් ප්‍රතිශක්තිය ගොඩ නැගී නොමැති බව පෙනී යන බවත් සඳහන් කර ඇත.