Colombo Today Local News

ගොවීන්ට පොහොර ගන්න වවුචර් පතක්

ලබන මහ කන්නයේ සිට පොහොර ලබා ගැනීම සඳහා ගොවීන්ට වව්චර් ක්‍රමයක් හඳුන්වා දීමට අගමැති රනිල් වික්‍රමසිංහ විසින් පත් කරන ලද කෘෂිකර්ම කමිටුව නිර්දේශ කර තිබේ.

මෙම නිර්දේශය කර ඇත්තේ රජය මැදිහත් වී පොහොර ආනයනය කිරීමේ දී පවතින ගැටලු සහගත තත්ත්වයන් සලකා බලමිනි.

එම වව්චරයට අනුව ගොවීන්ට අවශ්‍ය නම් රසායනික පොහොර හෝ කාබනික පොහොර සමාගම්වලින් මිලදී ගැනීමට පහසුකම් සැලසේ. ලබන මහ කන්නයේ සිට හෝ මෙම ක්‍රමය ක්‍රියාත්මක කළ හැකි නම් වඩාත් යෝග්‍ය බව කමිටුවේ අදහස වී තිබේ.

හෙක්ටයාර පන්ලක්ෂයක් පමණ වන වගා කළ හැකි කුඹුරු ඉඩම් ප්‍රමාණයෙන් මෙම යල කන්නයේ වගා කෙරෙන්නේ හෙක්ටයාර දෙකක පමණ ප්‍රමාණයක් බවට කමිටුව හඳුනාගෙන ඇත. රසායනික පොහොර හිඟකම එම තත්ත්වයට බලපා තිබේ.

පසුගිය යල කන්නයේ දී වී මෙට්‍රික් ටොන් විසි ලක්ෂයක අස්වැන්නක් ලබා ගත්ත ද මෙවර එම ප්‍රමාණය මෙට්‍රික් ටොන් ලක්ෂ දහයටත් අඩු වන තත්ත්වයක් පවතින බව රුහුණ විශ්වවිද්‍යාලයේ භෝග විද්‍යාව පිළිබඳ මහාචාර්ය අරුණ කුමාර පවසයි. මෙවර යල කන්නයේ අස්වැන්න මාස තුනක කාලයක් පරිභෝජනය කිරීම සඳහාවත් ප්‍රමාණවත් නොවනු ඇත යන්න සිය අදහස බවත් මහාචාර්යවරයා කීවේය.

Related posts

“එතෙක් මෙතෙක් ආ වැඩිම සෙනග ශ්‍රීලනිප සමුළුවටයි.. ලක්ෂ පහක් ආවා” – එස් බී

colombotoday

ශ්‍රී ලංකාවේ ආහාර අනාරක්ෂිතතාවය උග්‍ර විය හැකි‍‍යි

colombotoday

“දෛනික කොවිඩ් ආසාදිතයන්ගේ දත්ත නිවැරැදි දත්ත නොවේ.. කොවිඩ් පරීක්ෂණ කට්ටලත් නැහැ..”

colombotoday

දෙල්කඳ ට පර්චස් 100 ක සුඛෝපභෝගී මහල් නිවාස සංකීර්ණයක්

colombotoday

නාමල් වැලිකඩ සිරකරුවන්ට යෝග උගන්වයි

colombotoday

හිටපු ජනපති ගෝඨාභය රාජපක්ෂ රටට පැමිණීම ගැටළුවක් නොවේ – ජනාධිපති නීතිඥ මෛත්‍රී ගුණරත්න

colombotoday