මෙරට මුහුදේ නැංගුරම් ලා ඇති බොර තෙල් නැවේ තොග ගොඩබෑම අද (27)දින ආරම්භ කරන බව ලංකා ඛනිජ තෙල් නීතිගත සංස්ථාව පවසයි.
ඒ සඳහා ගෙවීම් සිදු කිරීමට පියවර ගත් බව එහි සභාපති සුමිත් විජේසිංහ මහතා ප්‍රකාශ කළේය.
මේ අතර විදුලි බල හා බලශක්ති අමාත්‍ය කංචන විජේසේකර මහතා සඳහන් කරන්නේ, බොර තෙල් ගොඩබෑමත් සමග සපුගස්කන්ද පිරිපහදුවේ කටයුතු ආරම්භ කළ හැකි බවයි.
ඒ අනුව දින 6 කින් ඉන්ධන නිෂ්පාදනය ආරම්භ කළ හැකි බව ද ඔහු කියා සිටියේ ය.
සපුගස්කන්ද පිරිපහදුව යළි සක්‍රීය වන්නේ මාර්තු 20 වැනිදායින් පසුවයි.
මේ වනවිට පෙට්‍රල් හා ඩිසල් අඛණ්ඩව පිරවුම්හල් වෙත බෙදා හැරීමට පියවර ගෙන ඇති බව ද ලංකා ඛනිජ තෙල් නීතිගත සංස්ථාව පවසයි.