සමගි ජන බලවේගයේ පාර්ලිමේන්තු මන්ත්‍රි කණ්ඩායමේ රැස්විමක් අද (13)දින පැවැත්වීමට නියමිතව තිබේ.
පක්ෂ මහ ලේකම් පාර්ලිමේන්තු මන්ත්‍රි රංජිත් මද්දුමබණ්ඩාර මහතා සඳහන් කරන්නේ, අද පෙරවරු 10.30 ට විපක්ෂ නායකවරයාගේ ප්‍රධානත්වයෙන් විපක්ෂ නායක කාර්යාලයේදි මෙම රැස්වීම පැවැත්වෙන බවයි.
එහිදි දැනට පාර්ලිමේන්තුවට ඉදිරිපත් වි ඇති ජනාධිපතිවරයාට එරෙහිව අප්‍රසාදය පළ කිරිමේ යෝජනාව පිළිබඳව ඇතුළු ඉදිරි දේශපාලන කටයුතු සම්බන්ධයෙන් සාකච්ජා කිරීමට නියමිතව ඇතැයි, මහලේකම්වරයා සඳහන් කරයි.
මේ අතර දැනට පුරප්පාඩු වි ඇති පාර්ලිමේන්තුවේ නියොජ්‍ය කථානායක ධුරය සඳහා පාර්ලිමේන්තු මන්ත්‍රී ඉම්තියාස් බාකිර් මාකර් මහතාගේ නම යෝජනා කිරිමට සිය පක්ෂය තීරණය කර ඇතැයි ද රංජිත් මද්දුමබණ්ඩාර මහතා පවසයි.
මහලේකම්වරයා සඳහන් කරන්නේ, නව අග්‍රාමාත්‍ය රනිල් වික්‍රමසිංහ මහතාට සමගි ජන බලවේගයේ කිසිදු සහයක් හිමි නොවන බවයි.