Colombo Today Local News

අප්‍රේල් පළමුදා සිට ළමා ඉතුරුම් ගිණුම්වලින් රජය 5%ක බද්දක් අයකරලා

රජය නව බදු පනත අනුව ළමා ඉතුරුම් ගිණුම්වලින් 5% ක බදු මුදලක් 2018 අප්‍රේල් පළමු වෙනිදා සිට ලබාගැනීමට කටයුතු කරන බව පාරිභෝගික අයිතිනී සුරැකීමේ ජාතික ව්‍යාපාරය චෝදනා කරයි.

නිවේදනයක් නිකුත් කරමින් එම තීරණය තරයේ හෙලාදකින බව සදහන් කරන එම සංවිධානය පෙන්වා දෙන්නේ, ළමා ඉතුරුම් ගිණුම් සඳහා ලැබෙන පොලියෙන් 5% ක මුදලක් රජය ලබා ගැනීමට කටයුතු කර ඇති බවයි.

ඉතිහාසයේ ප්‍රථම වතාවට ළමා ගිණුම් වලින් බදු ලබා ගන්නේ මෙම රජය බවයි ඔවුන් වැඩි දුරටත් පවසයි.

බඩු මිල සීඝ්‍ර ලෙස වැඩි කර ඇති මෙම අවස්ථාවේ මෙරට පාරිභෝගිකයා ජීවත් වන්නේ දැඩි අසීරුතා මධ්‍යයේ වූවද තම ළමයින්ගේ අනාගතය ගැන සිතා ඉපයීම් වලින් ළමයින්ගේ බැංකු ගිණුමේ මුදලක් තැන්පත් කිරීමට කටයුතු කරන බවත් එය ළමයින්ගේ අනාගතය සඳහා ඉතිරි කිරීමක් බවත් සඳහන් කරයි.

ළමයාට වයස අවුරුදු 18 පිරෙන තුරු ළමා ගිණුමකින් මුදල් ලබා ගත නොහැකියි. ළමා ඉතුරුම් ගිණුම් වලින් රජය මෙසේ බදු ලබා ගැනීමට කටයුතු කළහොත් ජනතාවගේ ඉතුරුම් අඩු වීමටද හැකි බවද එම සංවිධානය පෙන්වා දෙයි. නව බදු පනත හදුන්වා දීමේදී රජය ප්‍රකාශ කළේ ජ්‍යෙෂ්ඨ පුරවැසි ගිණුම් වලින් බදු ලබා ගන්නේ ලක්ෂ 15 කට වැඩි ගිණුම් වලින් පමණක් වූවත් අප්‍රේල් මස සෑම ජ්‍යෙෂ්ඨ පුරවැසි ගිණුමකින්ම බදු ලබාගෙන ඇති බවත් සඳහන් කර ඇත.

ළමා ඉතුරුම් ගිණුම් වලින් 5% ක රැදවුම් බද්ද ලබා ගැනීම වහා නවතන ලෙසයි පාරිභෝගික අයිතිනී සුරැකීමේ ජාතික ව්‍යාපාරයේ සභාපති රංජිත් විතානගේ සිය අත්සනින් යුතුව නිකුත් කළ නිවේදනයේ පෙන්වා දෙන්නේ.

Related posts

අන්තවාදී අල්-ජසිරා ශ්‍රී ලංකාවට යලි පහර දෙයි. මෙවර කේලාම් කියන්නන්ගේ නම් සඳහන් නොකරයි. ආදාහනය අනිවාර්ය කිරීම ඉස්ලාම් භීතිකාවේ නින්දිත ක්‍රියාවක්ලු.

colombotoday

සතියකට සැරයක් දහ අට සන්නිය පෙන්වනවා

Admin

මම ඇමති කාලේ අසෝක කාර්මික නිලධාරීයෙක්

Admin

රනිල්ට බැරිවුනොත් පාර්ලිමේන්තු යන්නේ රුවන් – දිවු­ල­පි­ටිය එජාප සංවි­ධා­යක කිත්සිරි මංච­නා­යක කියයි

colombotoday

ඉන්දියාව,ශ්‍රී ලංකාව සහ රුසියාව ඩොලර් බිලියන 9ක ද්වි පාර්ශ්වික වෙළෙඳාමකට සැරසෙයි

colombotoday

ඥානසාර හිමිගේ සාක්ෂිය රෙකොර්ඩ් කරන්න ගිය උලමෙක් මාට්ටු

colombotoday