කඩු රැගෙන පැමිණි පිරිසක් යාපනයේ පාසල් ගුරුවරයෙකුට පහර දී කඩු වලින් කැපීම නිසා ඔහු බරපතල ලෙස තුවාල ලබා ඊයේ (04)දින රාත්‍රී යාපනය තෙලිප්පලෙයි රෝහලට ඇතුළත් කොට තිබේ.
යාපනයේ මල්ලාකම් ප්‍රදේශයේදී මෙම සිදුවීම එදින රාත්‍රී 9.30 ට පමණ සිදුව ඇති බවයි පොලිසිය සදහන් කර සිටියේ.
යතුරු පැදිවලින් පැමිණි පස් දෙනෙකුගෙන් පමණ සමන්විත පිරිසක් ගුරුවරයාට පහර දී පසුව කඩු වලින් කපා කොටා තුවාල සිදු කොට ඇති බවට පොලීසියට තොරතුරු ලැබී ඇති අතර ගුරුවරයාට එසේ කිරීමට හේතුව මෙතෙක් අනාවරණය වී නොමැත.
මෙම ප්‍රහාරයට ලක්ව ඇත්තේ යාපනයේ පාසලක සේවයකරන ගුරුවරයෙකි.
යාපනයේ තෙලිප්පලෙයි පොලීසිය සිද්ධිය පිළිබදව වැඩි දුර පරීක්ෂණ සිදු කරනු ලබයි.
යතුරුපැදි සොරකම් කළ 78 යතුරුපැදි 17ක්
විවිධ ප්‍රදේශවලදී යතුරුපැදි සොරකම් කළ 78 හැවිරිදි පුද්ගලයෙකුව අරලගංවිල පොලීසිය විසින් අත්අඩංගුවට ගෙන ඇති බව පොලිසිය පවසයි.
ඔහු විසින් සොරකම් කරන ලද යතුරුපැදි 17ක් ද එහිදී සොයාගෙන තිබේ.
දැනට ලැබී ඇති තොරතුරු අනුව තවත් යතුරුපැදි ගණනාවක් අදාළ සැකකරු විසින් සොරකම් කර විවිධ ප්‍රදේශවල පුද්ගලයින්ට අලෙවි කර ඇත.
පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවසූවේ මෙම සැකකරුගෙන් යතුරුපැදි මිලදී ගත් පුද්ගලයින්ට එරෙහිවද ඉදිරියේදී නීතිය ක්‍රියාත්මක කිරීමට බලාපොරොත්තුවන බවය.