ඉස්ලාමීය ඉගැන්වීම්වලට අනුකූලව COVID-19 ආසාදිත මියගිය මුස්ලිම්වරුන්ගේ සිරුරු ආදාහනය නොකරන ලෙස තම ඉල්ලීමට ශ්‍රී ලංකා රජය දැක්වූ ප්‍රතිචාරයට ලෝක මුස්ලිම් ලීගය (MWL) අගය කර ඇත.
ශ්‍රී ලංකා විදේශ අමාත්‍ය දිනේෂ් ගුණවර්ධන මහතා සමඟ පැවති දුරකථන සංවාදයකදී MWL මහලේකම් ෂෙයික් මුහම්මද් අල්-ඊසා අවධාරණය කර ඇත්තේ ශ්‍රී ලංකා රජය සහ එම්ඩබ්ලිව්එල් අතර සමීප සම්බන්ධතාවය ශක්තිමත් වනු ඇති බවයි.
ලෝක මුස්ලිම් ලීගයේ වාර්ෂික සමුළුව 2019 වසරේ ජුනි 30 වැනිදා කොළඹදී පවත්වා පාස්කු ඉරිදා බෝම්බ ප්‍රහාරයෙන් විපතට පත්වුවන්ට ලබාදීම පිණිස අමෙරිකානු ඩොලර් මිලියන පහක් ලබා දෙන බවට ප්‍රසිද්ධ ප්‍රකාශයක් නිකුත් කරනු ලැබුවද එම මුදල් ලබා දීම එම සංවිධානය පැහැර හැර ඇත.
වහබ්වාදය ලොව පුරා ව්‍යාප්ත කිරීමට මුදල් යොදවන සංවිධානයක් ලෙස ලෝක මුස්ලිම් ලීගය Muslim World League (MWL) බොදු බල සේනා නායක පුජ්‍ය ගලගොඩඅත්තේ ඥානසාර හිමි ඉතා දීර්ග කාලයක සිට සඳහන් කරන අතර යුරෝපානු රටවල් බොහොමයක් අදාළ සංවිධානයේ ක්‍රියාකාරිත්වය තම රටවල් තුල සීමා කර ඇත. 1960 දශකයේ සිට සෞධි අරාබිය මෙම සංවිධානය හරහා ලොවපුරා වහබ්වාදය ව්‍යාප්ත කිරීම සඳහා අතිවිශාල ධනස්කන්දයක් ලබා දී ඇති බව පැවසේ.