පසුගිය සතිය තුළ රුපියල පිරිහීම නිසා පමණක් ශ්‍රී ලංකාවේ විදේශ ණය ප්‍ර‍මාණය රුපියල් බිලියන 47 කින් පමණ ඉහළ ගොස් ඇතැයි හිටපු මහ බැංකු අධිපති අජිත් නිවාඩ් කබ්රාල් මහතා පවසයි .
පසුගිය සතිය තුළ ඇමරිකානු ඩොලරයට සාපේක්ෂව ශ්‍රී ලංකා රුපියල 157.46 සිට 159.04 දක්වා රුපියල් 1.58 කින් අවප්‍ර‍මාණය වී ඇති බවද ඒ අනුව ගණනය කළ විට මෙසේ ඇමරිකානු ඩොලර් බිලියන 30 ක පමණ වන ශ්‍රී ලංකාව් විදේශ ණය ප්‍ර‍මාණය රුපියල් බිලියන 47 කින් පමණ ඉහළ ගොස් ඇතැයි හිටපු මහ බැංකු අධිපතිවරයා කියයි .
එම ණය ඉහළ යෑමට සාපේක්ෂව වෙනත් පිරිවැයන් විග්‍ර‍හය කරන්නේ නම් කොළඹ/කටුනායක අධිවේගී මාර්ගය සදහා ආයෝජනය රුපියල් බිලියන 48 ක් ද , මත්තල ගුවන්තොටුපොළ සදහා ආයෝජනය රුපියල් බිලියන 30 ක් සහ 2014 දී සමෘද්ධිය සහ පොහොර සහනාධාරය සදහා වූ පිරිවැය රුපියල් බිලියන 47 ක් ද වන බව ඒ අනුව රුපියල පිරිහීමේ අහිතකර තත්වය මැනවින් පැහැදිලි වන බවද හිටපු මහ බැංකු අධිපති අජිත් නිවාඩ් කබ්රාල් මහතා තවදුරටත් කියයි .